Aldabe da orain arte Covid-az libratu den herri bakarra. Pandemia hasi eta urtebetera, herriko 100 biztanleetako bat ere ez da kutsatu. Baina hala ere, alkateak bere postua arriskuan dagoela ikusten du.

Bere taldeko zinegotzietako batek oposizioari babesa ematea erabaki du, alkatearen alaba bera buru dela. Horrela, aginte-makila eskuz aldatuko litzateke 15 urte baino gehiago igaro ondoren. Egoera horren aurrean, alkateak akordioa lortu du bere zinegotzi diskoloarekin: ez da alderdiz aldatuko herria koronabirusetik libre dagoen bitartean.

Akordio horretatik abiatuta, alkateak herria ixtea erabaki du, eta ez dio inori sartzen utziko, ezta lan kontuengatik ere. Horren ondorioz, ekonomia ahuldu egiten da eta era guztietako zailtasunak bizitzen hasten dira, are gehiago alkatearen laguntzailearen ama Covid-aren antzeko sintomekin hiltzen denean. Biek gertaera hori herri guztiari ezkutatzea erabakitzen dute.